Song of Songs 5
Christ awaketh the Church with his calling.
Song of Songs 5:1 Mi derlyng, come in to his gardyn, to ete the fruyt of hise applis. Mi sister spousesse, come thou in to my gardyn. Y have rope my myrre, with my swete smellynge spices; Y haue ete an hony combe, with myn hony; Y haue drunke my wyn, with my mylk. Frendis, ete ye, and drynke; and derewortheste frendis, be ye fillid greetli.
The Church having a taste of Christ's love is sick of love.
Song of Songs 5:2 Y slepe, and myn herte wakith. The vois of my derlyng knockynge; my sister, my frendesse, my culuer, my spousesse vnwemmed, opene thou to me; for myn heed is ful of dew, and myn heeris ben ful of dropis of niytis. Song of Songs 5:3 I have vnclothid me of my coote; hou schal Y be clothid ther ynne? I haue waische my feet; hou schal Y defoule tho? Song of Songs 5:4 Mi derlyng putte his hond bi an hoole; and my wombe tremblide at the touchyng therof. Song of Songs 5:5 Y roos, for to opene to my derlyng; myn hondis droppiden myrre, and my fyngris weren ful of myrre moost preued. Song of Songs 5:6 Y openede the wiket of my dore to my derlyng; and he hadde bowid awei, and hadde passid. My soule was meltid, as the derlyng spak; Y souyte, and Y foond not hym; Y clepide, and he answerde not to me. Song of Songs 5:7 Keperis that cumpassiden the citee founden me; thei smytiden me, and woundiden me; the keperis of wallis token awey my mentil. Song of Songs 5:8 Ye douytris of Jerusalem, Y biseche you bi an hooli thing, if ye han founde my derlyng, that ye telle to hym, that Y am sijk for loue.
A description of Christ by his graces.
Song of Songs 5:9 A! thou faireste of wymmen, of what manner condicioun is thi derlyng of the louede? of what manner condicioun is thi derling of a derling? for thou hast bisouyt vs bi an hooli thing. Song of Songs 5:10 My derling is whyt and rodi; chosun of thousyndis. Song of Songs 5:11 His heed is best gold; hise heeris ben as the bowis of palm trees, and ben blake as a crowe. Song of Songs 5:12 Hise iyen ben as culueris on the strondis of watris, that ben waischid in mylk, and sitten besidis fulleste ryueris. Song of Songs 5:13 Hise chekis ben as gardyns of swete smellynge spices, set of oynement makeris; hise lippis ben lilies, droppynge doun the best myrre. Song of Songs 5:14 Hise hondis ben able to turne aboute, goldun, and ful of iacynctis; his wombe is of yuer, ourned with safiris. Song of Songs 5:15 Hise lippis ben pilers of marble, that ben foundid on foundementis of gold; his schapplinesse is as of the Liban, he is chosun as cedris. Song of Songs 5:16 His throte is moost swete, and he is al desirable. Ye douytris of Jerusalem, siche is my derlyng, and this is my freend.